لاياصديقي

فات الأوان..لا يـــاصديقي

شيفيد بعد التحذير؟

آني عثرت بأول حجر

و العثره عثره بنص بير

لتحذر.. لتحذر.. فات الأوان



منهم لله الخانوني منهم لله

منهم لله

الظلموني منهم لله

منهم لله الغدروني منهم لله

منهم لله الباعوني منهم لله



خلو دمعي ينزل دم

و كأني بني ادم

أعز اثنين يا جرحي

شايلهم وسط روحي

وجهين و العملة وحده

و ثوب مقدر عليهم

و الشبه نفس الشبه

و الغدر مزروع بيهم



يا قلبي لا تستغرب

كل شي تشوف العيون

كل شي بهالزمن جايز

و كل شي ممكن يكون

عدوك يرحم بحالك

و اعز احبابك يخون

أعز أحبابك يخون

أعز أحبابك يخون



تصوروا حبي غباء و طيبتي العميه طريق

فرصه الهم للخيانة مثلوا دور الصديق

اللي كانت أغلى ناسي وي صديقي ترافقت

عيني عينك بالخيانة و بالخجل ما فكرت

يا ذنب سويته اني و بالعكس دنياي دارت؟

لأن قلبي نقي و طيب هيكي وياي صارت؟

شراح أسوي بالصور وين اودي الذكريات

وين القى درب ثاني ما الي بيه ذكريات

هيكي يادنيا البشر بارع بدور الخداع؟

غامض و ما ينحزر و بوجهه أكثر من قناع؟؟



المن أشكي يا زمن و منو اليسمع شكوتي

اسكت أحسن يا زمن و بيدي أعالج حالتي

موتي أرحم من غدر اللي سميته صديق

اللي جازاني ابخيانه و ترك باعماقي الحريق

اني متعلم على الهم و مو جديد الهم عليه

بعد ما شافت عيوني من صديقي و منهه هيه

خلي كل شي يصير بيه

أعز اثنين يا جرحي.. شايلهم و سط روحي

وجهين و العمله وحده و ثوب مقدر عليهم

و الشبه نفس الشبه و الغدر مزروع بيهم

ياقلبي لا تستغرب كل شي تشوف العيون

كل شي بهالزمن جايز و كل شي ممكن يكون

عدوك يرحم بحالك و اعز أحبابك يخون



أعز احبابك يخون

أعز احبابك يخون

تصوروني الناس أغني و اني من الداخل مجروح

روحي مثل الطير ترفرف يا رقص الطير المذبوح

الألم… الحزن… العذاب…. و الجروح

تظلم لو ترحم يا زمن ما عاد يأثر بيه

اذا أغلى الناس خانوا شتعوض انت ليه؟

صدقني ظلمك يا زمن أهون الي من جروحي

عالأقل ظلمك ينسي و ميظل يعذب روحي

ضيعتني يا صديقي و ظلمتني و جرحتني

وظلمت روحك و روحي وضيعت مني الأمان

إذا انت بيه تغدر بعد شيسوي الغريب؟

صديقي و جرحي منك و اني لجروحك طبيب



روح الله اليسامح انا ما عندي سماح

الملح و الزاد خنته الوفا وياك راح

اعترف انا خسرتكم و خسرت كل شي بثواني

لكن اللي يعز عليه راح أظل وحدي أعاني

وانتي؟ انتي ياللي كنتي بعيوني ملاك

قلتي انا عمري و عيوني فداك

صورتي الدنيا من غيري أبد متعيشين بيهه

و قلتي عنهه ظلمه لكن نور وجهك مضويهه

و قلتي بليالي الشتا عيوني ما تاخذ نوم

أفكر بيك بردان؟ لو دافي و شابع نوم؟

كنتي بالنسبه الى مثل للحب و الجمال

و كلمه ما كاتبهه شاعر و لوحة من نسج الخيال

عمري ما شكيت مره ورا هالطيبه خداع

و هيكي العيون البريئة تغدر و تنكر بساع؟

هاجت الريح بغضبهه و كسرت بلحظة الشراع..

كل شي ضاع .. كل شي ضاع.. كل شي ضاع



خوفي من خوفي لا يكبر خوفي ما فارق الدمعه

و ابقى وحدي في الليالي و ما أثق بضوا شمعه

المن أشكي؟؟ المن أحكي؟؟ المن؟؟

و حكيي بس اني الأسمعه





هيه الدنيا شبيهه حتى ترخص دمعك؟

المن تشكي و تبكي و من هو اللي يسمعك؟

انسى جرحك انساه و لا تعاود الذكراه

و بالحسرة و الآه ليش تخلص عمرك؟؟



كنت عايش عالأمل و كانت أحلامي جميله

و كنت أتفاءل بكل شي و البنيته انهد بليله

ضاقت الدنيا بعيوني و حسيت بنفسي غريب

و قلت يا روحي كافي ما بقى للطيب نصيب





لا الدنيا ما تخلى و لا تتخلى عن مجروح

ألف ايد و ايد تنمد و تداوي الألم ويروح





بس اني عثرت باول حجر و العثرة عثرة بنص بير

و ضيعت كل شي بحياتي و سلمت لاسوأ مصير







لا تحزن .. لا تتألم.. لا تندم على اللي يخون

حرام اتعب عيونك و الدمعة عليك تهون





صامد بوجه الرياح .. شامخ ابأصعب جراح

إصرخ يا ضمير اصرخ يا ضمير

اصرخ بوجه اللي يظلم... اصرخ بوجه اللي يخون

اصرخ و صحي المنافق ... اصرخ و صحي المخادع